Ourense, 13 de maio de 2022.- O vicepresidente primeiro da Deputación, Rosendo Fernández, presidiu na sala de xuntas do Pazo Provincial a reunión extraordinaria da Xunta Rectora do Consorcio do Centro Asociado á UNED en Ourense. Na reunión tamén estiveron de xeito presencial o director da UNED en Ourense, Jesús Manuel García; a secretaria deste centro, María Concepción Álvarez; o teniente de alcalde do Concello de Ourense, Armando Ojea; o interventor do Concello de Ourense, Gonzalo Alonso, e o arquitecto e asesor do Concello de Ourense Alejandro Sánchez. E por videoconferencia asistiron o representante de profesores tutores, Julio Prada; a vicerrectora adxunta de centros asociados da UNED, Sonia Cristina Orgaz, e o alcalde da Rúa, Álvaro Fernández. A Xunta Rectora aprobou o único punto do día, “o protocolo de colaboración para a rehabilitación e posterior traslado do Centro Asociado á UNED en Ourense á antigua prisión provincial”.
- Te recomendamos -