Ribadavia, 19 de maio de 2022.- O vicepresidente segundo da Deputación de Ourense, César Fernández, e o escritor Xosé Antonio Perozo visitaron esta mañá o IES O Ribeiro, en Ribadavia, dentro da Semana Escolar das Letras Galegas organizada pola Deputación e que este ano centrouse na figura da Florencio Delgado Gurriarán, intelectual valdeorrés protagonista das Letras Galegas 2022.
César Fernández e Xosé Antonio Perozo, que estiveron acompañados pola directora do centro, Ana Belén Álvarez, e a xefa de estudos, Liliana Lafuente, mantiveron un encontro co alumnado do centro. Unha conversa que xirou arredor do libro “Florencio Delgado Gurriarán fronte a exaltación da natureza”, escrito por Perozo e editado pola Deputación, co que os estudantes puideron afondar guiados polos seus profesores na vida e obra do autor homenaxeado nas Letras Galegas deste ano.
- Te recomendamos -
