Ourense, 8 de xuño de 2022.- O vicepresidente primeiro da Deputación, Rosendo Fernández, participou esta tarde na rúa do Paseo na inauguración da XXXVIII edición da Feira do Libro de Ourense. Un acto no que tamén interviron o delegado da Xunta en Ourense, Gabriel Alén; o teniente alcalde de Ourense, Armando Ojea; o presidente da Federación de Librarías de Ourense, José Manuel García Mosquera; e o pregoeiro desta edición da feira, o xornalista Javier Romero, autor do libro “Operación Marea Negra”.
Rosendo Fernández destacou o compromiso da Deputación coa lectura e a importancia deste sector en Ourense, poñendo especial énfase na necesidade da colaboración entre administracións para potenciar o panorama cultural na pos pandemia.
- Te recomendamos -