Ourense, 11 de agosto de 2022.- Despois da gran afluencia de público en Bande, A Rúa, Carballiño e Celanova, o folclore e a música tradicional chegaron esta noite a Allariz e Maceda, onde tiveron lugar as actuacións dos participantes da XXXVII edición das Xornadas de Folclore, organizadas pola Deputación de Ourense e o Centro de Cultura Popular Xaquín Lorenzo co apoio da Xunta de Galicia.
Ás 22,30 horas deron comezo, de forma simultánea, as actuacións das seis agrupacións. En Allariz tiveron lugar os espectáculos propostos polo Grupo Folclórico dos académicos Timorenses de Coimbra que representan a Timor Oriental; a compañía internacional de danza Paipa, de orixe colombiano; e o grupo de ballet folclórico do Instituto Tecnológico de Celaya, os cales acoden a estas xornadas dende México. Pola súa banda, en Maceda realizáronse as funcións da Compagnie Artistique Mien-Moh, procedente de Costa de Marfil, Liga Tari Mahasiswa “Kridabudaya”, de Indonesia, e o grupo de Ballet Folclórico Municipal de Rancagua, grupo de orixe chileno
En Allariz, os asistentes que enchían os espazos habilitados no Campo da Barreira puideron admirar o estilo musical de Timor, grazas ó grupo Folclórico dos Académicos Timorenses de Coimbra, así coma o da compañía internacional de Danza Paipa, que durante a súa actuación deu mostra da variedade e riqueza da folclore colombiano, mostrando diferentes estilos de bailes característicos deste país. Para finalizar as actuacións en Allariz, o Grupo de Ballet Folklórico do Instituto Tecnolóxico de Celaya propuxo dous estilos de baile completamente distintos: en primeiro lugar, realizaron un conxunto de bailes característicos do estado de Veracruz, para finalizar a súa participación en Allariz cun conxunto de bailes tradicionais de México, lucindo uns coloridos traxes que sorprenderon ós asistentes
Mentres tanto, en Maceda, o grupo de Indonesia abordou coas súas danzas temáticas vencelladas á guerra e o conflito. As tradicións africanas tamén estiveron presentes grazas ós bailes cerimoniais realizados pola Compagnie Mien – Moh e, finalmente, a veciñanza puido trasladarse os ritmos andinos e a Illa de Pascua grazas ó grupo de Ballet Folclórico Municipal de Rancagua.
- Te recomendamos -