O PSDEG-PSOE OURENSÁN CONDENA O DISCURSO “IRRESPONSABLE, NEGACIONISTA E ATEIGADO DE REFERENCIAS MACHISTAS” DO EDIL UCHA SOBRE A TRATA E A EXPLOTACIÓN SEXUAL DAS MULLERES
O grupo socialista esixe unha rectificación por parte do concelleiro de DO, logo de que no pleno municipal afirmase que o Día Mundial contra a Trata discrimina aos homes e que “existe a prostitución libre”
“É incomprensible que o edil encargado da defensa dos dereitos das mulleres e prevención do maltrato insinúe a existencia dunha suposta explotación sexual das mulleres cara aos homes”
Ourense, 7 de outubro de 2022. O PSdeG-PSOE de Ourense reproba e condena o discurso “irresponsable, negacionista e ateigado de referencias machistas” do edil Telmo Ucha durante o debate plenario da moción socialista para impulsar medidas a nivel municipal e autonómico destinadas á erradicación da trata, a prostitución e a explotación sexual das mulleres.
O grupo socialista esixe unha rectificación expresa por parte do concelleiro, logo de que durante a súa intervención no pleno afirmase que o Día Mundial contra a Trata discrimina aos homes e que “existe a prostitución libre”.
“É aberrante que o concelleiro que ten as competencias delegadas de asuntos sociais ou igualdade sexa incapaz de admitir que as vítimas da explotación e da violencia sexual son maioritariamente mulleres, ou que se centre en facer especial fincapé na mal chamada prostitución libre”. Neste sentido, insisten en que é incomprensible que “o edil encargado da defensa dos dereitos das mulleres e prevención do maltrato insinúe que tamén hai que ter en conta a existencia dunha suposta explotación sexual das mulleres cara aos homes”.
“Lamentamos que o concelleiro Ucha non empregue a mesma vehemencia no seu relato para condenar a proxenetas e puteiros, sen os cales non habería explotación sexual nin prostitución”, subliñan.
As e os socialistas cualifican de “graves” as afirmacións de Ucha e lamentan que o edil rexeitase o convite da socialista Concha García para retirar as súas palabras por consideralas “vergoñentas”: “cos datos na man, hoxe en día non se pode facer ese tipo de afirmación”, censurou.
Así as cousas, dende o grupo socialista esixen unha rectificación inmediata por parte do concelleiro Ucha e insisten na necesidade de “sermos especialmente rigorosos cando falamos de cuestións de tanta transcendencia para o avance social como é a loita contra a trata ou a explotación sexual das mulleres”.
Para hoy en Ourense el cielo estará cubierto con lluvia. Las temperaturas oscilarán entre una…
Riad fue el epicentro del diálogo mundial al albergar el Foro Económico Mundial (WEF), bajo…
En el primer trimestre de 2024, casi un 54% de la población activa de más…
El grupo italiano Comelit ha firmado la adquisición del 98% del capital social de Ingenium…
'Condé Nast Traveler' ha publicado su 'Hot List' anual con los mejores hoteles del mundo…
OURENSE, 3 (EUROPA PRESS) Un hombre que permanecía en busca y captura por tentativa de…
Esta web usa cookies.