Ourense, 9 de xullo de 2022.- A deputada provincial Ana Villarino participou este mediodía na inauguración da XXIII Feira do Viño de Valdeorras, que esta fin de semana reúne a vinte adegas da comarca na praza Otero Pedrayo de Viloira, no Concello do Barco.
Ana Villarino expresou a honra que supón representar á Deputación de Ourense neste evento, como mostra do decidido apoio do goberno provincial polas catro denominacións de orixe existentes na provincia. Neste sentido apuntou que como alcaldesa de Oímbra, concello vitivinícola pertencente á denominación Monterrei, “coñezo ben o significado destas citas”, destacando que “as denominacións ourensáns non somos competencia, senón que nos complementamos e é algo que ten que unirnos”.
- Te recomendamos -
