Ourense, 13 de xullo de 2022.- O vicepresidente segundo da Deputación, César Fernández, participou esta mañá na xornada da Zona Franca de Vigo “Obxectivos estratéxicos”, celebrada no salón de actos da Confederación Empresarial de Ourense (CEO).
César Fernández resaltou na súa intervención o “papel colaborador da Deputación cos axentes empresariais. Porque no ADN desta administración está a cooperación, un factor decisivo para avanzar na dimanización deste territorio”.
Na xornada tamén interviron o delegado do Estado do Consorcio da Zona Franca de Vigo, David Regades, o delegado do Goberno, José Miñones, o alcalde de Ourense, Gonzalo Pérez Jácome, o presidente do Círculo de Empresarios de Galicia, Manuel Rodríguez e a presidenta da CEO, Marisol Nóvoa. E participaron no posterior debate, ademais de Regades, o director xeral do Grupo Coren, Emilio Rial, o presidente de honor do Grupo Pérez Rumbao, Emilio Pérez Nieto e a export manager de Aceites Abril en EEUU e Canadá, Elena Pérez Canal.
- Te recomendamos -