O proxecto de Turismo Intelixente da Deputación protagonizou un foro transfronteirizo

Ourense, 10 de outubro de 2022.- O director da Área de Transparencia e Goberno Aberto da Deputación, Fernando Suárez, participou esta mañá no Edificio Fontán, en Santiago de Compostela, nos Foros EDIT “Innovación y Cooperación: Destino Inteligente Galicia – Norte de Portugal”.

Fernando Suárez, que estivo acompañado polo xerente da Mancomunidade do Salnés, Ramón Guinarte, protagonizou a conversa “Experiencia de colaboración local para el Destino Turístico Inteligente: Sensórica para recopilación de datos turísticos”, abordando o proxecto da plataforma de turismo intelixente que deseña a Deputación.