O presidente da Deputación recibe o estudo da captación termal do Pazo Provincial

Os resultados acreditan que as augas do pozo cumpren as condicións esixidas pola lei autonómica para ser declaradas coma augas termais e minero-medicinais. O caudal medio obtido na proba foi de 2,685 l/s

Ourense, 19 de febreiro de 2022.- O presidente da Deputación de Ourense, Manuel Baltar, recibiu o estudo da captación termal do Pazo Provincial. Os resultados deste informe, realizado a  partir do bombeo constante do pozo de 175 metros de profundidade situado no patio da Deputación durante 48 horas entre o 31 de xaneiro e o 2 de febreiro de 2022, acreditan que a auga captada reúne as condicións esixidas pola lei autonómica para poder ser declaradas augas termais e minero-medicinais. Ademais, o informe sinala que o caudal medio obtido durante esta proba foi de 2,685 l/s.

Este estudo, provisional, é un paso máis no proxecto impulsado pola Deputación para converter o Pazo Provincial no gran hotel balneario Auria.