Manuel Baltar resaltou a importancia desta xornada para reivindicar o traballo da entidade: “A visita da raíña Sofía pon de releve a importancia do Banco de Alimentos, e a alianza que mantén coa Deputación de Ourense”
San Cibrao das Viñas, 1 de marzo de 2022.- A raíña Sofía presidiu esta mañá en San Cibrao das Viñas o acto de celebración dos 25 anos do Banco de Alimentos de Ourense, nun acto no que estivo acompañada, entre outros, polo presidente da Deputación de Ourense, Manuel Baltar. “Esta é unha ocasión para poñer de releve a importancia desta entidade neste provincia e a alianza que mantemos dende sempre, e que foi especialmente importante durante a pandemia, cunha organización adicada a un fin tan nobre e con peso específico en toda España”.
O presidente da Deputación deulle a benvida a raíña Sofía a Ourense, lembrando os seus vencellos coa provincia: “Hoxe é 1 de marzo, día de San Rosendo. El puxo en marcha o mosteiro de San Salvador, que no ano 1984 recibiu o premio Europa Nostra polo seu traballo a prol do recuperación do patrimonio. Viñera a propia raíña Sofía a Celanova, como veu en 1990 ao mosteiro de Oseira -que tamén recibiu este premio-. Esta é unha oportunidade para lembrar a existencia que a Banda de Gaitas leva o título de ‘real’ pola súa intercesión”.
Ademais da raíña Sofía e o presidente da Deputación, no acto da celebración dos 25 anos o Banco de Alimentos estiveron presentes, entre outros, o presidente do Parlamento de Galicia, Miguel Santalices; a conselleira de Política Social, Fabiola García; o subdelegado do Goberno en Ourense, Emilio González; o delegado territorial da Xunta de Galicia en Ourense, Gabriel Alén; o alcalde de Ourense, Gonzalo P. Jácome; o alcalde de San Cibrao, Manuel Pedro Fernández; o presidente da Federación Española de Banco de Alimentos, Pedro Llorca e o presidente do Banco de Alimentos de Ourense, Cecilio Santalices.
Alianza da Deputación e o Banco de Alimentos
Manuel Baltar reivindica a alianza da Deputación e Banco de Alimentos: “O compromiso da Deputación co Banco de Alimentos, dentro da actitude social do goberno provincial. A Deputación ven de aprobar uns orzamentos que tamén son moi sociais, recoñecendo o traballo do Banco de Alimentos e fundamentalmente do seu voluntariado”. O presidente da Deputación destaca como esta xornada supon un recoñecemento ao propio Banco de Alimentos: “Esta é unha oportunidade para comprobar o gran traballo que leva a cabo esta entidade, nestas instalacións coas que colabora a Deputación. Reforzamos o compromiso do goberno provincial que presido para seguir nesta liña, no caso desta reunión para adquirir maquinaria que facilite o seu traballo e que así sexa máis doado desenrolar a súa gran acción social”.
Durante el día de hoy en Ourense se prevén cielos cubiertos con lluvia. En cuanto…
En la próxima jornada 37 de LALIGA, que se inaugura este sábado 18 de mayo…
Un total de 13 médicos especialistas en dermatología de 10 nacionalidades se han desplazado a…
Marlons, la emergente cadena de hamburgueserías conocida por sus auténticas “smash burgers” al estilo americano,…
El 33% de las mujeres sienten presión por alterar su apariencia debido a las imágenes…
Este 2024, año de los Juegos Olímpicos de París que darán comienzo el próximo 26…
Esta web usa cookies.