A mostra, inaugurada esta tarde, poderá verse ata no centro cultural ata o próximo 1 de maio
Ourense, 11 de marzo de 2022.- O Centro Cultural Marcos Valcárcel acolle desde hoxe e ata o próximo 1 de maio a exposición Un mar de libros, na que a artista Isabel Pintado rende homenaxe ás publicacións escritas a través da pintura. Unha mostra na que o libro é o protagonista absoluto e onde, ademais de cadros que teñen este elemento como eixo central, a creadora tamén amosa un amplo abano de libros da propia artista, pezas pouco habituais no eido expositivo.
Na inauguración da mostra, celebrada esta tarde, a artista estivo acompañada polo vicepresidente da Deputación, César Fernández, o presidente do Parlamento de Galicia, Miguel Santalices, o deputado Armando Ojea e o director do centro cultural, Francisco González.
César Fernández subliñou que nesta exposición “únense dúas das expresións culturais máis importantes, como son os libros e a pintura”. Exemplos de cultura e arte, engadiu “que son antónimos absolutos da degradación humana que supón a guerra”. Neste sentido tomou as palabras do comisario da exposición e crítico de arte, Antón Castro, que define esta mostra como “un tributo á pintura dende o corazón do mellor dos símbolos, o libro, o máis asombroso dos instrumentos do que dispón o home, segundo Borges”.
Miguel Santalices, pola súa banda, recalcou a reivindicación do legado da Xeración Nós que realiza Isabel Pintado a través da súa arte: “Para un ourensán coma min -en realidade, para calquer galego- é moi destacable esta relación. Sen Nós non teríamos Estatuto de Galicia nin Parlamento”. O presidente do Parlamento tamén destacou a búsqueda da modernidade que realiza Pintado “dende a aposta polas nosas señais de identidade”.
Francisco González sinalou entre tanto que “con Isabel Pintado e maila recente apertura da mostra de Consuelo Chacón, O lugar intermedio, o centro cultural ofrece neste mes de marzo “o mes da muller, a obra de dúas grandes artistas”.
La Xunta de Galicia abre este martes el plazo para solicitar ayudas destinadas a la…
Hoy por la mañana en Ourense habrá cielos cubiertos con tormentas acompañadas de lluvia. Según…
OURENSE, 20 (EUROPA PRESS) Un conductor ha sufrido este lunes un siniestro en la localidad…
El DiSputado y su Mapa de España: Una visión humorística que enciende a la red…
homming, compañía 'proptech' en la categoría del property management, presentará en el Salón Internacional Inmobiliario…
LALIGA es una de las marcas más reconocibles en España, y así lo indican numerosas…
Esta web usa cookies.