O vicepresidente segundo, César Fernández, recolleu na Gala do Remo Español celebrada en Sevilla un galardón que referenda “a iniciativa do presidente Manuel Baltar á hora de promover as láminas de auga da nosa provincia polas súas excelentes condicións para a práctica de deportes náuticos”
Fernández puxo énfase na aposta da Deputación polo remo a través do Centro de Adestramento situado no balneario de Laias, o Cerlac, e a celebración en agosto en Castrelo de Miño da prestixiosa proba internacional da Coupe de la Jeunesse.
Ourense, 26 de marzo de 2022.- A Federación Española de Remo distinguiu hoxe á Deputación de Ourense co premio ao mellor patrocinador, galardón que recolleu o vicepresidente segundo, César Fernández, durante o transcurso da XIII Gala do Remo Español, celebrada no Club Náutico de Sevilla. Un premio que referenda “a iniciativa do presidente Manuel Baltar á hora de promover as láminas de auga da nosa provincia polas súas excelentes condicións para a práctica de deportes náuticos”, sinalou Fernández, que subliñou a aposta da Deputación por desenvolver un ecosistema de turismo deportivo para promocionar a provincia como escenario das máis importantes probas a nivel nacional e internacional nas máis variadas disciplinas.
Non obstante puxo énfase en dous aspectos que, afirmou, converteron á Deputación no firme patrocinador do remo. Así citou en primeiro lugar o Cerlac, o centro de adestramento de Castrelo, Arnoia e Laias (Cenlle), “onde destacadas seleccións nacionais preparan a súa participación en campionatos continentais e mundiais e nas Olimpíadas”. Por outra banda, significou a importancia que para Ourense vai ter a celebración da Coupe de la Jeunesse, a prestixiosa competición internacional de remo que do 5 ao 7 de agosto reunirá no Parque Náutico de Galicia, en Castrelo de Miño, aos mellores remeiros xuvenís de 16 países de Europa, “o que porá a proba a nosa capacidade organizativa e as nosas instalacións, pero tamén nos permitirá demostrar a paixón que poñemos na promoción do remo”.
En la próxima jornada 37 de LALIGA, que se inaugura este sábado 18 de mayo…
El último ranking elaborado por la Fundación CyD reconoce a la Universidad Alfonso X el…
Pablo Castellano Vázquez, consejero de Millenium Hospitality desde marzo, ha reforzado su apuesta por la…
TÜV SÜD ha presentado sus resultados financieros globales en 2023, reportando un incremento en los…
Durante el día de hoy en Ourense se prevén cielos cubiertos con lluvia. En cuanto…
En la próxima jornada 37 de LALIGA, que se inaugura este sábado 18 de mayo…
Esta web usa cookies.