O presidente provincial recibiu no Pazo Provincial a Eva Barrio, que tomou posesión do seu cargo o pasado 23 de abril, para coñecer as liñas estratéxicas do novo goberno local
Ourense, 1 de maio de 2022.- O presidente da Deputación de Ourense, Manuel Baltar, recibiu no Pazo Provincial á nova alcaldesa de Riós, Eva Barrio, que tomou posesión do seu cargo o pasado 23 de abril, para coñecer as liñas estratéxicas do novo goberno local e analizar futuras vías de colaboración coa institución provincial.
Manuel Baltar felicitou á alcaldesa pola responsabilidade que asume diante da súa veciñanza e desexoulle moitos éxitos na súa xestión. Eva Barrio, entre tanto, agradeceu “a colaboración da Deputación e a boa disposición que amosa sempre o seu presidente co Concello de Riós e sen a que sería imposible por en marcha moitas obras e servizos”.
Durante o encontro no Pazo Provincial, Manuel Baltar e Eva Barrio repasaron as actuacións realizadas en Riós coa colaboración da Deputación, como o convenio para o Centro Agroforestal; as accións en empregabilidade e mocidade desenvolvidas no concello grazas aos programas provinciais; a incorporación dun condutor para a máquina rozadoira, dentro do plan provincial de marxes de estradas; a achega da parte do Concello ao Plan Marco 2022-2023; e obras como a construción de Centro de Día e a rehabilitación de vivendas sociais na localidade de Castrelo de Cima.
A alcaldesa presentou a Manuel Baltar outros proxectos nos que está a traballar o goberno local e as necesidades de financiamento, como a posta en funcionamento do citado Centro de Día; o acondicionamento e humanización do barrio de Marmolín e do camiño da igrexa no Riós; e o arranxo da estrada que une A Veiguiña e Valfarto.
OURENSE, 11 (EUROPA PRESS) El incendio forestal declarado en el municipio ourensano de Avión, parroquia…
OURENSE, 11 (EUROPA PRESS) Un motorista, nacido en 1985, ha fallecido esta tarde de sábado…
Para las primeras horas del día en Ourense se prevén nubes y claros con escasa…
Baleares es uno de los destinos preferidos del turismo internacional y Menorca se ha convertido…
Fluidra se ha convertido en uno de los grandes protagonistas de la semana bursátil, con…
Alcanzar un cambio de paradigma del sector con todas las reformas normativas que se están…
Esta web usa cookies.