Ourense, 9 de maio de 2022.- O vicepresidente segundo da Deputación, César Fernández, participou en Vilamartín de Valdeorras na inauguración de “Compromiso na distancia”, unha mostra adicada a Florencio Delgado Gurriarán organizada pola Xunta de Galicia enmarcada na programación das Letras Galegas 2022.
A exposición, que recorre a vida e obra do autor homenaxeado no Día das Letras Galegas 2022, estará no Centro Cultural Santa Lucía de Vilamartín ata o 29 de maio e despois recorrerá outras 9 localidades galegas. Na inauguración estiveron presentes, entre outros, o secretario xeral de Cultura, Anxo Lorenzo; o alcalde de Vilamartín, Enrique Álvarez, e o alcalde do Barco, Alfredo García.
- Te recomendamos -