César Fernández asiste en Vilamartín ao pleno extraordinario da RAG polo Día das Letras Galegas

Vilamartín de Valdeorras, 17 de maio de 2022.- O vicepresidente segundo da Deputación, César Fernández, asistiu esta mañá á sesión extraordinaria da Real Academia Galega (RAG) polo Día das Letras Galegas, en Vilamartín de Valdeorras, a localidade natal de Florencio Delgado Gurriarán. O acto celebrouse na Aira dos Bolos (Córgomo) co apoio da Deputación de Ourense, e nel interviron os académicos Rosario Álvarez, Ramón Villares e Xesús Alonso Montero, sendo pechado polo presidente da RAG, Víctor F. Freixanes.