Ourense, 31 de maio de 2022.- O vicepresidente primeiro da Deputación, Rosendo Fernández, participou esta tarde no Centro Comercial Ponte Vella na presentación dos actos organizados polo Pabellón CF no seu 50 aniversario, nos que colabora a institución provincial.
Na programación destaca a celebración do torneo U-18 “Ourense, a Provincia Termal”, que enfrontará no campo de fútbol Miguel Ángel ao Pabellón CF co Real Madrid, Oporto, Valencia, Deportivo e Celta. Ademais, tamén está programado o campus de verán da Fundación Celta; as Xornadas 2022 de Fútbol Ourense -coa presenza de Rubén Albés, Félix Fernández Cao e Miguel Alonso- e o torneo alevín “Ourense, a Provincia Termal”.
No acto tamén interviron o presidente do Centro Comercial Ponte Vella, Jorge Bermello; o presidente do comité organizador dos actos do 50 aniversario do Pabellón CF, Fernando Martínez Lamas; o edil de Deportes do Concello de Ourense, Mario Guede; o delegado de Deportes da Xunta en Ourense, Manuel Pérez; o presidente da Fundación Celta de Vigo, Germán Arteta; o delegado en Ourense da Real Federación Galega de Fútbol, Raúl Rois. E no acto tamén estiveron, entre outros, o presidente do Pabellón CF, Francisco Doforno; o secretario técnico do Pabellón CF, David Carnero; e o director dos torneos programados, Miguel Ángel González.
- Te recomendamos -
