Ourense, 10 de xuño de 2022.- O vicepresidente da Deputación, Rosendo Fernández, participou esta tarde na inauguración da edición número 51 da Festa do Peixe de Bande, declarada de Interese Turístico de Galicia e que conta co apoio da Deputación. No regreso da festa ao seu tradicional formato déronse cita na praza da Constitución da vila, entre outros, o presidente do Parlamento de Galicia, Miguel Santalices; o delegado territorial da Xunta en Ourense, Gabriel Alén; alcaldes da comarca da Baixa Limia e doutros puntos da provincia; representantes da provincia nas Cortes Xerais e no Parlamento galego; xunto coa alcaldesa de Bande como anfitriona, Sandra Quintas.
- Te recomendamos -
