O Complexo do Corgo, en Muíños, no Parque natural da Baixa Limia- Serra do Xurés acolle este campamento xuvenil, organizado pola Deputación coa colaboración do Concello e da asociación Sustinea
O presidente da Deputación, Manuel Baltar, destacou a “completa oferta de actividades” e a importancia de que os rapaces desfruten mentres coñecen “unha das mellores postais da nosa provincia”
O alcalde de Muíños, Plácido Álvarez, avanzou a “altísima participación en tódolos campamentos que acolleremos este verán” e agradeceu o apoio da Deputación para “contar con Muíños para facer provincia”
O Campamento Explora Ourense ofrecerá dúas quendas de inscrición: do 1 ó 6 de agosto para nenos de entre 9 e 11 anos -20 prazas- e do 7 ó 12 de agosto para nenos de 12 a 14 anos -20 prazas-
Nesta nova edición incorpóranse actividades en inglés ó programa habitual de kaiak, sendeirismo, vivaque e xogos
Ourense, 1 de xullo de 2022.- Corenta rapaces poderán desfrutar en agosto do Campamento Explora Ourense – Campamento da Ourensanía, que se desenrolará no Complexo do Corgo, en Muíños, dentro do Parque natural da Baixa Limia – Serra do Xurés. Esta iniciativa está organizada pola Deputación en colaboración co Concello de Muíños e a asociación Sustinea, e conta cun prazo de solicitude para inscribirse entre este luns, 4 de xullo, e o 13 de xullo.
O presidente da Deputación, Manuel Baltar, presentou o campamento acompañado polo alcalde de Muíños, Plácido Álvarez, e Paulo Vázquez, de Sustinea. Baltar resaltou que “un ano máis, a Deputación de Ourense colabora co Concello de Muíños para que a mocidade desfrute deste campamento nunha das paraxes máis senlleiras do noso territorio, sen dúbida unha das mellores postais de Ourense”.
Manuel Baltar destaca a importancia de que a “mocidade desfrute destes campamentos, coñezan polo miúdo un dos lugares máis importantes da provincia, á vez que enriquecen esta estadía co inglés e o resto de actividades, nunha completa oferta para un momento de lecer moi necesario para os novos da casa”.
“Agradezo ao Concello de Muíños e ó seu alcalde, ó grupo de goberno e os técnicos municipais, este impulso, esta capacidade de proposta”, valorou o presidente da Deputación, que enfatizou a importancia da cooperación: “A través da colaboración podemos elaborar estas iniciativas, que proxectan unha magnífica imaxe de Muíños e de toda a provincia”.
Nesta mesma liña, o alcalde de Muíños, Plácido Álvarez, destacou a importancia de impulsar este tipo de actividades, como os campamentos para os rapaces ou o programa Xurés Experience, para a dinamización de Muíños e de toda a comarca. “A altísima participación que teremos en tódolos campamentos deste verán amosan o éxito desta aposta. Estamos moi orgullosos de recibir a tantos rapaces nas próximas semanas”, analizou Álvarez, antes de agradecer o apoio da Deputación “para que conte con Muíños para facer provincia”.
Dúas quendas en agosto
O Campamento Explora Ourense – Campamento da Ourensanía ofrecerá dúas quendas: do 1 ó 6 de agosto para nenos de entre 9 e 11 anos -20 prazas- e do 7 ó 12 de agosto para nenos de 12 a 14 anos -20 prazas-.
Coma novidade, nesta edición incorpóranse actividades en inglés, que permitirán avanzar no coñecemento deste idioma dun xeito lúdico. Ademais, manteranse actividades coma o kaiak, o sendeirismo, vivaque, xogos…
A matrícula individual é de 85 euros. Para solicitar a participación, o prazo estará aberto dende o 4 de xullo ata o día 13 e as inscricións poderán realizarse a través da folla de solicitude que se habilitará o efecto na web da Deputación (www.depourense.gal) ou no Centro Cultural Marcos Valcárcel no número 988 317 895.
La **Emilio Sánchez Academy** ha sido reconocida con la ‘**Middle States Athletics Program Distinction**’ por…
La primavera es un buen momento para adoptar unas rutinas de cuidado de la piel…
La Inteligencia Artificial (IA) es una oportunidad para transformar el modelo educativo y replantear los…
La empresa Atlántica, una reconocida firma internacional en el sector de las energías renovables, ha…
La CNMV recogió en el Código de Buen Gobierno de la Comisión Nacional del Mercado…
Hoy en Ourense tendremos nubes escasas. En cuanto a las temperaturas, oscilarán entre una máxima…
Esta web usa cookies.