A andaina está organizada pola Asociación de Veciños San Ramón de Armariz en colaboración coa Deputación e o Concello de Nogueira. Arrancará este sábado, día 6 de agosto, ás 09,30 horas do souto de San Ramón
Ourense, 2 de agosto de 2022.- Este sábado, día 6 de agosto, volve a tradicional andaina de Armariz, que combina a reivindicación da vida activa e a solidariedade, estando dedicada este ano a axudar á Asociación Ourensá de Esclerose Múltiple, Párkinson e Enfermidades Raras (AODEMPER), colectivo ao que irá destinado a metade da recadación do evento.
A cita está organizada pola Asociación de Veciños San Ramón de Armariz en colaboración coa Deputación de Ourense e o Concello de Nogueira de Ramuín. O vicepresidente primeiro do goberno provincial, Rosendo Fernández, reuniuse esta mañá co presidente da asociación veciñal, David González, o concelleiro de Deportes de Nogueira, Raúl Soto, e os membros de AODEMPER Alberto Permuy, Socorro Fernández e Laura Ruiz, para presentar a décimo segunda edición dunha andaina que combina “deporte, solidariedade e respecto polo medio ambiente”, como resaltou Fernández.
A XII Andaina de Armariz, que ten un percorrido de 12 quilómetros, arrancará ás 09,30 do sábado no souto de San Ramón. Dende a organización destacan que deseñaron unha andaina “doada, sen moitas subidas, e con moita sombra”, e inciden en que se “recorre toda a zona de parroquia, que conta cunha gran riqueza patrimonial. Durante a andaina poderase ver unha igrexa do século XII, o peto das ánimas ou un petroglifo”. Ademais, explican, “esta edición inclúe a novidade dun cambio de ruta respecto a anos anteriores grazas á ampliación da Ruta dos Muíños de Cachamuíña, que xa chega ata Armariz”.
O custe da inscrición -aberta ata o 4 de agosto- é de 6 euros, e pode realizarse na oficina de turismo de Luíntra, na sede de AODEMPER, na tenda Hada Madrina ou a través dos teléfonos 666 147 477 ou 669 211 828. Xa suman máis de 100 participantes.
Riad fue el epicentro del diálogo mundial al albergar el Foro Económico Mundial (WEF), bajo…
En el primer trimestre de 2024, casi un 54% de la población activa de más…
El grupo italiano Comelit ha firmado la adquisición del 98% del capital social de Ingenium…
'Condé Nast Traveler' ha publicado su 'Hot List' anual con los mejores hoteles del mundo…
Un motorista herido tras ser atropellado por un camión en Ourense que huyo del lugar…
A lo largo del día de hoy en Ourense el cielo estará cubierto con lluvia.…
Esta web usa cookies.