Dirixida a nenas e nenos de entre 3 e 12 anos, o obxectivo desta proposta é promover e divulgar os beneficios do deporte, de modo especial en idade escolar, ademais de fomentar o seu carácter educativo, lúdico e de socialización
Para formalizar a matrícula, que ten un custo de 90 euros por modalidade, as persoas interesadas poden descargar o formulario de inscrición desde internet (pazopacopaz.es) e entregalo na recepción do pavillón Paco Paz
Ourense, 14 de setembro de 2022.- A Deputación de Ourense inicia en outubro unha nova tempada das PazoEscolas Deportivas, cunha programación que ofrece a posibilidade de practicar ata doce disciplinas diferentes de exercicio físico e actividades de carácter lúdico. Unha proposta deseñada para nenas e nenos de entre 3 e 12 anos e que terá como sede principal o Pavillón dos Deportes Paco Paz, aínda que se pretende estender o programa aos concellos facilitando así a incorporación de novas modalidades ao dispoñer de máis espazos e horarios.
O obxectivo destas escolas é fomentar os beneficios do deporte, de modo especial en idade escolar, ademais de divulgar o seu carácter educativo, lúdico e de socialización. Coa finalidade de promover a colaboración entre o sector público e privado, garantindo así unha ampla e mellor oferta, contémplase tamén a sinatura de convenios con entidades e federacións deportivas.
As disciplinas ofertadas son fútbol sala masculino e feminino, hóckey, basquet, judo, bádminton, voleibol, psicomotricidade, ximnasia rítmica e acrobática, tenis de mesa e bailes. En xornada de tarde e cunha hora de duración, todas as modalidades impártense dous días á semana, agás o tenis de mesa que só ten clases os martes. A programación de baile (zumba e niveis 1 e 2) tamén é diferente, pois amplía a idade dos alumnos ata os 18 anos e a duración das clases será de corenta e cinco minutos.
Para formalizar a matrícula das PazoEscolas Deportivas, cun custo de 90 euros por modalidade, as persoas interesadas poden descargar o formulario de inscrición desde internet (pazopacopaz.es) e entregalo na recepción do pavillón de deportes da Deputación.
En el día de hoy en Ourense habrá más nubes que claros con lluvia. En…
Para hoy en Ourense el cielo estará cubierto con lluvia. Las temperaturas oscilarán entre una…
Riad fue el epicentro del diálogo mundial al albergar el Foro Económico Mundial (WEF), bajo…
En el primer trimestre de 2024, casi un 54% de la población activa de más…
El grupo italiano Comelit ha firmado la adquisición del 98% del capital social de Ingenium…
'Condé Nast Traveler' ha publicado su 'Hot List' anual con los mejores hoteles del mundo…
Esta web usa cookies.