A EXECUTIVA MUNICIPAL DO PSdeG-PSOE DE OURENSE E AS XUVENTUDES SOCIALISTAS CELEBRAN UN FORO PARA ANALIZAR AS ALTERNATIVAS E AS SOLUCIÓNS Á PROBLEMÁTICA DO BOTELLÓN
Os socialistas abren este debate posto que o Concello leva 8 anos de goberno dos populares e de Democracia Orensana mirando cara outro lado pese ás reiteradas ocasións nas que se solicitou que se reactivase
Dende as Xuventudes Socialistas sinalan o carácter multidisciplinar e de diferentes perspectivas das mesas de debate nas que se abordará “a situación dende o ámbito familiar e educativo, legal, sanitario e psicolóxico»
Ourense, 17 de outubro de 2022. A Agrupación municipal do PSdeG-PSOE de Ourense realiza o vindeiro sábado 22 de outubro un foro debate para atallar a problemática do “botellón” na cidade de As Burgas e analizar alternativas e solucións. O Foro, “aberto á cidadanía” -tal e como explicou a secretaria local, Natalia González– terá lugar no salón do restaurante San Miguel ao longo de todo a mañá e estará moderado polas Xuventudes Socialistas de Ourense e animan a tódolos colectivos implicados dende colexios, Anpas e asociacións a que se sumen e participen.
O único fin deste foro, expuxo González, é lograr alternativas e solucións dado que pasan os anos en Ourense e os veciños e veciñas continúan a convivir co problema sin que a Xunta, a Deputación e o Concello plantexen solucións e fagan o que lles corresponde.
Os socialistas abren este debate posto que o Concello leva 8 anos de goberno dos populares e de Democracia Orensana mirando cara outro lado pese ás reiteradas ocasións nas que se solicitou que se reactivase e se puxese en marcha a ordenanza do Botellón por parte do grupo municipal socialista, da que nada se sabe ata o de agora.
Natalia González considera necesario este plantexamento dende a agrupación municipal socialista como continuación da “folla de ruta de cara ao cambio de goberno no vindeiro 2023” para que haxa “alternativas sobre a mesa” e se teña en conta á xente moza que representará “o futuro de Ourense”.
Dende as Xuventudes Socialistas sinalan o carácter multidisciplinar e de diferentes perspectivas das mesas de debate nas que se abordará “a situación de España e Galicia dende o ámbito familiar e educativo” da man de Uxía Tizón (vogal na comisión de condutas aditivas do Congreso). Julio Torrado (voceiro de sanidade do PSdeG) e Cristina Cruz (secretaria de educación da CEM de Ourense); “Propostas no ámbito sanitario, psicolóxico e social” plantexadas por Marina Ortega (directiva do Colexio de Psicólogos de Galicia) e Alberto Fidalgo (Médico e secretario de sanidade da CEM de Ourense); “O papel da administración pública” por parte de Alfredo García (alcalde de O Barco e expresidente da FEGAMP), Marga Martín (responsable de políticas sociais da CENG) e Carmen R. Dacosta (avogada e parlamentaria do PSdeG).
Un ascenso celebrado El Ourense CF ha marcado un hito al asegurar su lugar en…
Para hoy por la mañana en Ourense se prevé escasa nubosidad. Según pasen las horas…
¿Cómo estará el tiempo en Ourense durante el próximo puente de mayo? Los expertos advierten…
En la mañana de hoy en Ourense tendremos más nubes que claros con lloviznas generalizadas…
El presidente de PwC España, Gonzalo Sánchez, manifestó que "los resultados del sector financiero son…
Con el NYYC American Magic y el Orient Express Racing a punto de desvelar sus…
Esta web usa cookies.