O PSDEG-PSOE RECLAMA Á XUNTA UN “POSICIONAMENTO INMEDIATO E CONTUNDENTE” PARA QUE OURENSE ACOLLA A AESIA CO FIN DE FREAR O “DESPOBOAMENTO BRUTAL” DA PROVINCIA
Os e as socialistas recordan que Ourense perdeu 136.000 habitantes no último medio século, sen que exista “unha debacle demográfica similar en España”, polo “é incuestionable” a idoneidade da provincia
O real decreto que regula a desconcentración destes órganos do Estado determina claramente que deben ser territorios con problemas demográficos, de cohesión social ou afectados polo desemprego
Ourense, 17 de outubro de 2022. O PSdeG-PSOE reclama á Xunta un “posicionamento inmediato e contundente”, co fin de que Ourense sexa a proposta do goberno galego para acoller a sede a Axencia Estatal de Supervisión de Intelixencia Artificial (Aesia). Esta decisión permitiría frear o brutal despoboamento, cumprindo cun dos principais obxectivos desta iniciativa, estipulado así no real decreto que regula a desconcentración destes órganos. Tamén impulsaría o tecido empresarial e social dunha provincia moi necesitada de accións en favor do reequilibro territorial.
Os e as socialistas recordan que Ourense perdeu 136.000 habitantes no último medio século. “Non existe unha debacle demográfica similar en toda España”, destacan, polo que consideran “incuestionable” a “procedencia da elección da candidatura ourensá para representar a toda Galicia”, xa que “estamos ante unha provincia historicamente maltratada, cunha importante carencia de investimentos”.
A localización deste e doutros órganos do Estado será decidida mediante un procedemento establecido no Real Decreto 209/2022, baseado en criterios equitativos e independentes. Estes criterios inclúen, entre outros, a loita contra o despoboamento; a cohesión social e territorial; a mellora no funcionamento dos servizos públicos ou os niveis de desemprego. “Resulta evidente que a implantación da AESIA en Ourense sería un pulo a medio e longo prazo para a economía e a demografía”, insisten desde o PSOE.
“Este real decreto establece, por fin, medidas reais para darlle a volta á desfeita demográfica da nosa provincia e doutras zonas con problemas similares”, destacan, polo que “sería incomprensible” que as propostas oficiais puxesen o foco nalgúns dos territorios máis poboados e dinámicos de toda España.
Como xa explicaron anteriormente, os e as socialistas recordan que “está comprobado que afondar na descentralización de actividades e infraestruturas nos territorios que non son capital estatal ou rexional, contribúe a frear tendencias poboacionais negativas e a xerar innovación e emprego de calidade, así como a impulsar actividades económicas transversais”. Ademais, recordan que Ourense “cumpre sobradamente” outros criterios como ter boa conectividade, contar cunha facultade de informática consolidada e con estudos universitarios de intelixencia artificial.
O PSdeG-PSOE tamén reclama un “papel máis activo” ao alcalde da terceira cidade de Galicia, Gonzalo Pérez Jácome, e ao presidente da Deputación Provincial, Manuel Baltar, que están “vergoñentamente desaparecidos e calados” nun momento “crucial” para a candidatura. “No lugar de estar de viaxe recollendo premios ou atacando aos empregados públicos municipais, Baltar e Jácome deberían estar apremiando á Xunta de Galicia para que Ourense sexa a escollida”, conclúen.
Hoy a primera hora en Ourense se prevén más nubes que claros. Por la tarde…
En el día de hoy en Ourense habrá más nubes que claros con lluvia. En…
Para hoy en Ourense el cielo estará cubierto con lluvia. Las temperaturas oscilarán entre una…
Riad fue el epicentro del diálogo mundial al albergar el Foro Económico Mundial (WEF), bajo…
En el primer trimestre de 2024, casi un 54% de la población activa de más…
El grupo italiano Comelit ha firmado la adquisición del 98% del capital social de Ingenium…
Esta web usa cookies.