Ourense, 7 de abril de 2022. – O vicepresidente primeiro da Deputación de Ourense, Rosendo Fernández, participou esta tarde na Audiencia Provincial no acto conmemorativo da primeira sentenza ditada en galego en Ourense. Unha placa lembra dende hoxe o traballo do maxistrado Xoán Manuel Alfaya e ao avogado Miguel González Trigás, que en 1989 fixeron posible que se ditase esta primeira sentenza en galego, no Xulgado de Primeira Instancia número 2 de Ourense. No acto estiveron presentes, entre outros, o secretario xeral de Política Lingüística, Valentín García; o subdelegado do Goberno en Ourense, Emilio González Afonso e o presidente da Audiencia Provincial, Antonio Piña, ademais de familiares e amigos de Xoán Manuel Alfaya e Miguel González Trigás.
- Te recomendamos -