Rosendo Fernández asiste á presentación da senda peonil deseñada pola Xunta entre San Cibrao, Pereiro e Paderne

Ourense, 22 de abril de 2022. – O vicepresidente primeiro da Deputación, Rosendo Fernández, asistiu esta mañá a presentación da senda peonil e ciclista proxectada pola Xunta na OU-101, entre a Medorra e Paiseo, que cruza os concellos de San Cibrao das Viñas, Pereiro de Aguiar e Paderne de Allariz cun investimento do goberno autonómico de 1.071.618 euros. No acto estivo presente a conselleira de Infraestruturas e Mobilidade, Ethel Vázquez, xunto ao delegado territorial da Xunta en Ourense, Gabriel Alén, e os alcaldes de Pereiro, Luis Menor; San Cibrao, Manuel Pedro Fernández e Paderne de Allariz, José Manuel Fernández.