Ourense, 19 de agosto de 2022.- O vicepresidente segundo da Deputación, César Fernández, asistiu esta tarde na Queixeira, A Arnoia, á primeira xornada do Espírito Ribeiro. Na inauguración da segunda edición deste festival, que conta co apoio da Deputación, César Fernández estivo acompañado polo conselleiro de Medio Rural, José González; os alcaldes de A Arnoia, Castrelo de Miño e Cenlle -Rodrigo Aparicio, Avelino Pazos e José Manuel Rodríguez-; o delegado da Xunta de Galicia, Gabriel Alén; o presidente da CRDO Ribeiro, Juan Manuel Casares; ou o coordinador do Espírito Ribeiro, Juan Rivas.
A primeira xornada do Espírito Ribeiro conta coas actuacións de A Roda e os Fabulosos Weekend, dentro dunha programación na que tamén sobresae un mercado de produtores de proximidade dentro dun festival que aposta por conxugar a cultura do viño e a paisaxe coa gastronomía, a música, e os produtos locais.
Mañá, sábado 20 de agosto, o festival trasladarase a Castrelo de Miño, nunha xornada que abarca un espectáculo de ciencia para todos os públicos e as actuacións de Roi Casal e “Ciao Raffaella”, concerto baseado nunha das grandes divas da música disco, Raffaella Carrá.
- Te recomendamos -
