Ourense, 26 de setembro de 2022.- O presidente da Deputación, Manuel Baltar, asistiu esta tarde no Teatro Principal de Ourense á estrea de “Motel Valkirias”, serie que conta co patrocinio do goberno provincial. A premier celebrouse no marco do Festival Internacional de Cine de Ourense.
“Motel Valkirias”, gravada en localizacións de Ourense coma Benposta, é un proxecto da produtora galega CTV e da portuguesa SPi e ten como directores a Álex Sampaio e Jorge Queiroga, este último responsable da rodaxe en Galicia. Ademais do apoio da Deputación de Ourense, conta coa participación da Televisión de Galicia e da Radio e Televisión de Portugal, Xunta de Galicia, Xacobeo 21-22 e a Cámara Municipal de Montalegre. A serie, que será emitida na plataforma HBO, é unha comedia dramática con tinguiduras de thriller.
- Te recomendamos -