Ourense, 12 de marzo de 2022.- O vicepresidente da Deputación de Ourense, César Fernández, participou hoxe no acto de entrega do V Premio Ágora do Orcellón, concedido polo Instituto de Estudos Carballiñeses á doutora María Crespo Leiro, cardióloga no Centro Hospitalario Universitario da Coruña (CHUAC). No IES número 1 do Carballiño, onde se desenvolveu o acto, presentouse tamén o número 38 da revista Ágora do Orcellón, un monográfico dedicado á premiada. María Crespo, nomeada Filla Predilecta do Concello de Cea o pasado mes de setembro de 2021, “sempre será un exemplo de ourensanía pola súa calidade humana e a súa dedicación persoal á súa profesión”, subliñou César Fernández tralo remate do acto.
- Te recomendamos -