Con material recollido polo Concello de Ourense e almacenado no parque da maquinaria pola institución provincial, o envío foi organizado por AGA-Ucraína e financiado por Afundación e Abanca.
Ourense, 21 de marzo de 2022.- Esta tarde cargouse no parque da maquinaria da Deputación de Ourense o primeiro camión con axuda humanitaria que se enviará nas próximas horas a Ucraína. O envío do material humanitario, recollido polo Concello de Ourense e almacenado no parque da maquinaria pola institución provincial, foi organizado por AGA-Ucraína e financiado por Afundación e Abanca. Os deputados Luz Doporto e Pablo Pérez supervisaron o proceso de carga do camión, que ten como destino o punto fronteirizo de Przemysl, entre Polonia e Ucraína.
O centro loxístico activado pola Deputación busca canalizar e coordinar a resposta dos concellos ourensás ante a guerra de Ucraína. O goberno provincial ten en funcionamento un dispositivo posto en marcha pola Área de Benestar, onde un grupo de traballo técnico agrupa toda a información sobre as iniciativas que se estean levando a cabo dende o ámbito municipal. Así habilitouse un enderezo electrónico e un teléfono (
This email address is being protected from spambots. You need JavaScript enabled to view it.
– 988 317 772) para que os concellos faciliten unha persoa de contacto que permita coñecer, dun xeito áxil, que material poden ofrecer e enviar, favorecendo as sinerxías e garantindo a resposta máis eficiente e ordenada posible.
- Te recomendamos -
