Manuel Baltar garantiu ao rexedor deste municipio, Emilio Pazos, o apoio para unha infraestrutura vital para os veciños
Na reunión celebrada no Pazo Provincial tamén cristalizou a cooperación do goberno provincial na financiación do novo cemiterio parroquial de Vilaseca
Ourense, 23 de marzo de 2022.- O presidente da Deputación de Ourense, Manuel Baltar, reuniuse no Pazo Provincial co alcalde de Trasmiras, Emilio Pazos, para abordar dúas infraestruturas vencelladas ao futuro dos servizos públicos deste municipio e que son vitais para os veciños. En concreto, o rexedor trasladou ao presidente da Deputación o proxecto da residencia de maiores e do novo cemiterio parroquial de Vilaseca. Ambas iniciativas, segundo garantiu Manuel Baltar, contarán co firme apoio do goberno provincial.
O presidente da Deputación de Ourense reafirmou o seu compromiso para a construción da residencia de maiores de Trasmiras. Un proxecto que se reactiva despois de que, por causas alleas ao Concello e á institución provincial, non puidese arrancar o ano pasado. Emilio Pazos destaca o apoio de Manuel Baltar nunha dotación clave: “Intentaremos cofinanciar o proxecto entre Xunta, Deputación e o Concello. Pretendemos sacar un concurso de proxecto, obra e servizo, cofinaciado evidentemente co iniciativa privada”.
O goberno provincial tamén cooperará no proxecto do novo cemiterio parroquial de Vilaseca. O rexedor de Trasmiras sinala que esta é unha actuación “urxentísima”, debido á particular situación do actual camposanto -non ten espazo para ampliarse debido a estar rodeado de rúas-: “Ante esta particularidade, optamos por mercar unha parcela e recalificala para o seu uso coma cemiterio. Agora, co plan parcial e informado, faremos o proxecto de execución cos informes oportunos”. Emilio Pazos avanza que o obxectivo do goberno municipal “é poñer en paralelo a tramitación administrativa e ir facendo o trámite da financiación para executar a obra en canto teñamos luz verde. Estaríamos falando do verán”.
Las popularmente conocidas “fiestas de pueblo” son un imprescindible dentro de la cultura española. Así…
La Fundación PortAventura ha inaugurado la ampliación de PortAventura Dreams Village, su proyecto social más…
Han transcurrido cerca de 10 años desde que Grupo Gallo inició la producción de sus…
El diario británico 'Financial Times' ha hecho una selección de 5 exclusivas villas privadas que…
IGNITE Copilot, la innovadora aplicación web de Inteligencia Artificial (IA) para centros educativos y maestros…
Para hoy por la mañana en Ourense estará muy nublado con lluvia. A medida que…
Esta web usa cookies.