Ourense, 6 de xuño de 2022. – O vicepresidente primeiro da Deputación, Rosendo Fernández, participou esta tarde na Biblioteca Pública de Ourense Nós na inauguración da exposición “Bebedeira de ensoños”, unha mostra arredor da vida e obra de Florencio Delgado Gurriarán, autor valdeorrés homenaxeado nas Letras Galegas 2022.
Na inauguración desta mostra, iniciativa da Xunta de Galicia, tamén interviron o director xeral de Cultura, Anxo Lorenzo; o tenente alcalde de Ourense, Armando Ojea; o comisario da exposición, Ricardo Gurriarán; o presidente da Editorial Galaxia, Antón Vidal e a directora da biblioteca, Rosa Díaz.
- Te recomendamos -