A concentración de vehículos clásicos, que conta coa colaboración da Deputación, celebrarase o sábado 20 de agosto e tamén recorrerá espazos emblemáticos de Parada de Sil, Baños de Molgas, Nogueira de Ramuín e Xunqueira de Espadanedo
Ourense, 8 de agosto de 2022.- O sábado 20 de agosto celebrarase a quinta edición da ruta turística e gastronómica de coches antigos “Monasterios y Castillos”, organizada polo Concello de Xunqueira de Ambía coa colaboración da Deputación de Ourense, e que tamén conta co apoio dos gobernos municipais de Parada de Sil, Baños de Molgas, Nogueira de Ramuín e Xunqueira de Espadanedo, catro concellos polos que discorrerá este roteiro.
O vicepresidente primeiro da Deputación, Rosendo Fernández, mantivo esta mañá un encontro co alcalde de Xunqueira de Ambía, José Luis Gavilanes, e a técnica de Turismo do Concello, Beatriz Crespo, para repasar os detalles desta concentración de coches antigos -fabricados entre 1900 e 1969-, que suma xa case o 100% dos 40 inscritos -o custe é de 65 persoas por coche, para un máximo de dous persoas-.
O alcalde de Xunqueira de Ambía resalta o beneficio que xera esta concentración de vehículos no territorio, “dinamizando os concellos polos que pasa e beneficiando a todos os que se involucran na actividade”.
José Luis Gavilanes enmarca a ruta dentro da “intensa programación” que realiza o Concello de Xunqueira de Ambía ao longo dos meses de verán, “con fitos como a XXXIII edición do Ciclo de Órgano e Música Antiga, con concertos de altísimo nivel en agosto e setembro na Colexiata de Santa María a Real”, os espectáculos enmarcados na Rede de Auditorios da Deputación de Ourense ou a iniciativa Sons do Verán, que tamén conta do apoio do goberno provincial, con “concertos de soul en directo cada venres de agosto ás 21,00 horas”. O rexedor tamén resalta o “gran éxito” de citas xa realizadas como “Camiñartes, o Encontro Intercultural Entre Camiños ou a serie de concertos de Música vs Espacios ‘Ars Combinatoria’, que afondan e reivindican a Xunqueira de Ambía coma a vila da música”.
Promoción, divulgación e fomento do interese cultural de Ourense
Con este roteiro turístico e gastronómico de coches antigos, os organizadores pretenden “promocionar, divulgar e fomentar o coñecemento e interese cultural e turístico do Camiño de Santiago e o patrimonio da provincia de Ourense”. Esta iniciativa, resaltan, quere “promocionar o noso destino co contacto do visitante coa beleza dos mosteiros e castelos, a unha velocidade de máximo 40 quilómetros por hora. Porque a esencia da nosa concentración é poñer en valor o noso patrimonio e gozar da nosa gastronomía”.
A saída da quinta edición da ruta turística e gastronómica de coches antigos “Monasterios y Castillos” está planificada para as 12,00 horas do sábado 20 de agosto en Xunqueira de Ambía. A partir de aí, está planificada a visita á igrexa de Santa Eufemia (12,15 horas), comida en Luíntra, mirador de Parada de Sil (17,00 horas), Xunqueira de Espadanedo (18,00 horas) e chegada a Xunqueira de Ambía (21,00), nunha noite con cena que inclúe concerto dun órgano antigo do século XVIII e do grupo Soul&Roll.
¡FLiRT, la nueva variante de COVID-19, que está arrasando en Estados Unidos y que puede…
Madrid se ha convertido en el epicentro de la creciente tendencia de las smash burgers,…
Sagardoy Abogados anunció este lunes la incorporación como socio de Gonzalo Mairata Corominas (Madrid, 1978),…
Para hoy por la mañana en Ourense habrá más nubes que claros. A medida que…
El valor medio de un club que disputa LALIGA EA SPORTS asciende, según datos del…
Según una investigación, China podría estar utilizando empresas tecnológicas para recolectar datos de usuarios en…
Esta web usa cookies.