Inicio Destacado A Deputación referenda o seu compromiso coa cultura propia co apoio á...

A Deputación referenda o seu compromiso coa cultura propia co apoio á XXXIII edición do Festival de Teatro Galego do Carballiño

A deputada de Cultura e Proxectos Audiovisuais, Patricia Torres, presidiu no Pazo Provincial o acto de presentación deste evento. “A cultura é un dos piares fundamentais para este goberno provincial, polo que non dubidou en apoiar unha nova edición que ofrece un cartel de calidade”.

A programación do festival inclúe dez espectáculos que terán como escenario o auditorio municipal, as rúas da vila, o anfiteatro da praza da Veracruz e maila Insua dos Poetas. A edición deste ano ten un marcado carácter solidario, destinando parte da recadación a asociación de discapacitados Aspadisi

Ourense, 2 de setembro de 2022.- O Pazo Provincial acolleu esta mañá a presentación da XXXIII edición do Festival de Teatro Galego “Celso Parada” (FETEGA), que se celebrará do 6 ao 9 de setembro no Carballiño coa posta en escena dunha ducia de espectáculos e dúas importantes novidades: o carácter solidario do festival coa Asociación de Discapacitados Psíquicos das comarcas do Carballiño e Ribeiro (Aspadisi), e a colaboración da Fundación Insua dos Poetas, que acollerá no espazo da Esgueva a obra de clausura.

Leer más:   Ourense consolídase como provincia de referencia nos deportes náuticos co II Descenso Internacional de Piragüismo

A deputada de Cultura e Proxectos Audiovisuais, Patricia Torres, presidiu un acto ao que asistiron o director xeral de Cultura da Xunta de Galicia, Anxo Lorenzo; o concelleiro de Cultura do Carballiño, Diego Fernández; o director do certame, Carlos Ledo; o presidente da Fundación Insua dos Poetas, Luis González Tosar; e o representante de Aspadisi, Manuel Amil.

“A cultura é un dos piares fundamentais para este goberno provincial”, declarou Patricia Torres, polo que a Deputación “non dubidou en apoiar esta nova edición que ofrece un cartel de calidade que seguro espertará o interese do público”. A deputada, que subliñou o carácter solidario do festival e, sobre todo, o feito de que se desenvolva todo en galego, engadiu que durante a pandemia e o confinamento “quedou claro que a cultura era a única vía de escape, nas súas diversas modalidades, polo que non podemos ser alleos á colaboración con iniciativas como esta”.

Leer más:   ÚLTIMA HORA | Dolor en la familia baloncestística: muere a los 63 años el ala pivot Jimmy Wright, leyenda del Breogán

Para Anxo Lorenzo “trinta e tres edicións non son poucas”, máxime ademais mantendo “unha aposta clara pola produción en lingua galega”, palabras ás que se sumou Diego Fernández asegurando que o festival “é un motivo de orgullo para todos nós, pois falar de teatro galego dentro e fóra da nosa comunidade tamén é falar do Carballiño”.

Luis González Tosar, que agradeceu a oportunidade ofrecida á Fundación Insua dos Poetas para colaborar co certame, anunciou que na edición do próximo ano promoverán un premio “destinado a dramaturgos que elaboren proxectos teatrais galegos para interpretar en espazos non convencionais”. O 20 % da recadación do festival irá destinado a Aspadisi, “un xesto que permitirá facer visible un labor de 27 anos”, agradeceu entre tanto Manuel Amil.

Leer más:   Manuel Baltar supervisa o resultado das obras no campo de fútbol de Vista Hermosa, en Paderne de Allariz, financiadas co apoio da Deputación

Catro escenarios para dez espectáculos

O director de FETEGA, Carlos Ledo, que recoñeceu o decidido apoio da Deputación a este evento, ofreceu os detalles dunha programación que inclúe dez espectáculos teatrais que terán como escenario o auditorio municipal, as rúas da vila, o anfiteatro da praza da Veracruz e a xa citada Insua dos Poetas.

O festival inclúe os premios Dorotea Bárcena ao mellor espectáculo, escollido polo público, e o premio de honra que nesta edición recoñecerá a traxectoria de Eduardo Rodríguez Cunha “Tatán”, polos seus 39 anos de carreira como marionetista e referente do teatro de obxectos en Galicia.


- Te recomendamos -
Artículo anteriorRosendo Fernández reivindica na inauguración de Alimagro o peso específico do sector primario na provincia de Ourense
Artículo siguienteLa Organización Mundial del Turismo realiza el lanzamiento oficial del Congreso Internacional de Turismo Termal que acogerá Ourense
Foto del avatar
Equipo de la redacción central de EditorialOn. Somos muchos, de sitios muy distintos y vivimos por y para la información.