Inicio Destacado A Deputación prestará apoio aos autónomos ourensáns para implantar unha ferramenta dixital...

A Deputación prestará apoio aos autónomos ourensáns para implantar unha ferramenta dixital de xestión de servizos e clientes

O presidente do goberno provincial, Manuel Baltar, comprometeu o soporte a esta iniciativa durante o encontro que mantivo no Pazo Provincial coa directiva da Asociación Empresarial de Profesionais e Autónomos de Ourense

Aplaude un proxecto que “ofrecerá atención personalizada aos 23.000 autónomos da provincia, un sector empresarial e de emprendemento de gran importancia no noso territorio como así o reflicten os datos do Observatorio Económico Ourensán, e co que mantemos unha estreita colaboración”

A plataforma cubre tres aspectos fundamentais no traballo dos profesionais: a presenza en Internet; a creación dunha rede de contactos con clientes; e a xestión diaria do seu negocio

O obxectivo é chegar aos autónomos de toda a provincia a través de accións formativas, favorecendo a implantación dunha ferramenta que busca estimular as vendas a través do reforzo da aproximación cos clientes

Ourense, 8 de outubro de 2022.- A Deputación de Ourense prestará soporte aos autónomos ourensáns para a implantación dunha ferramenta dixital gratuíta -Serviautónomo- que facilita o contacto con clientes en toda España e ofrece un amplo abano de servizos para a xestión diaria dos seus negocios. O presidente do goberno provincial, Manuel Baltar, comprometeu o apoio da Deputación a esta iniciativa durante o encontro que mantivo no Pazo Provincial coa directiva da Asociación Empresarial de Profesionais e Autónomos (AEPA) de Ourense, representada polo seu presidente, David Martínez, e o tesoureiro, Julio Vila, ambos acompañados polo director da firma responsable da aplicación, Ricardo Herrera.

Leer más:   A Deputación presenta dous libros sobre historia, patrimonio e arqueoloxía editados dentro do plan anual de publicacións

Manuel Baltar aplaudiu un proxecto que “ofrecerá atención personalizada aos 23.000 autónomos da provincia, un sector empresarial e de emprendemento de gran importancia no noso territorio como así o reflicten os datos do Observatorio Económico Ourensán, e como tamén se puxo de manifesto durante un momento tan difícil como foi a pandemia”.

O presidente do goberno provincial afirmou que hoxe, máis que nunca debido á situación económica e aos elevados custos de produción, “a Deputación ten que estar aí apoiando e colaborando cos autónomos na posta en marcha dunha nova ferramenta dixital que facilita a interconexión, o contacto cos clientes, a xestión económica e información permanentemente actualizada”. Nesta liña, Manuel Baltar resaltou a “estreita colaboración” do goberno provincial con este colectivo, con fitos como a implantación de axudas directas para aliviar o primeiro impacto da crise derivada da pandemia.

Leer más:   O vicepresidente César Fernández participa na entrega de premios da Copa Deputación de balonmano

Un soporte con perspectiva provincial para toda España

Para difundir esta nova ferramenta, o obxectivo é realizar accións formativas por toda a provincia de Ourense, favorecendo a capilaridade dun instrumento que busca acercar os servizos dos autónomos ourensáns a clientes de toda España.

Como presidente de AEPA Ourense, David Martínez agradeceu a cooperación da Deputación nun proxecto “que nos vai axudar moito, pois somos un dos colectivos máis afectados pola crise que atravesamos”. Esta aplicación, dixo, “facilitará en todo momento o acceso aos servizos de calquera profesional, transformándose nun medio de gran utilidade para situar aos autónomos da provincia en calquera punto de España”. Martínez resaltou a posta en marcha “no berce dun dos primeiros autónomos da historia: O afiador”.

Leer más:   A Ourense Film Commission realizará a súa presentación oficial ante o sector audiovisual español no marco da próxima edición do OUFF

Serviautónomo cubre tres aspectos fundamentais no traballo dun autónomo, explicou Ricardo Herrera: a presenza en Internet; a creación dun rede de contactos con clientes; e a xestión diaria do seu negocio. A plataforma conecta dun xeito rápido e sinxelo ás persoas que buscan un determinado produto ou servizo cos profesionais máis próximos que lles poden axudar. Ademais de dispoñer dun espazo web propio para promocionar os seus produtos ou servizos en internet, o autónomo tamén pode xestionar desde o seu móbil a axenda de traballo, elaborar facturas, controlar operacións ou acceder a información sobre axudas ou normativas.


- Te recomendamos -
Artículo anteriorA deputada Luz Doporto asiste á apertura da VII edición do Festival de Cultura Xorda
Artículo siguientePrevisión meteorológica para Ourense
Foto del avatar
Equipo de la redacción central de EditorialOn. Somos muchos, de sitios muy distintos y vivimos por y para la información.