Ourense, 02 de maio de 2022.- O vicepresidente primeiro da Deputación, Rosendo Fernández, asistiu esta mañá en Expourense á presentación da cuarta edición do Car Outlet Ourense, que se celebrará no recinto ferial entre o 6 e o 8 de maio. Este evento está organizado por Expourense e a Asociación de Concesionarios de Automóbiles de Ourense (ACAUTO), e conta coa colaboración da Deputación de Ourense e Abanca.
Rosendo Fernández resaltou a importancia deste evento para o sector na presentación, na que estivo acompañado polo director xerente de Expourense, Rogelio Martínez; o presidente de Acauto, Ramón Seijas e o director da zona centro de Abanca, Enrique Romero.
A cuarta edición do Car Outlet Ourense acollerá a máis de 400 vehículos de 20 marcas diferentes, pertencente aos 14 concesionarios englobados en Acauto.
- Te recomendamos -